top of page
  • 作家相片818GO

【大閘蟹2022】新手必睇!唔識分公乸唔緊要 我哋解釋過你知

已更新:2022年10月11日

唔識分公乸唔緊要 我哋解釋過你知中秋過後,就正式踏入秋天,又係食大閘蟹嘅好時節。不過要大飽口福,當然要識揀靚蟹,蟹膏蟹黄肥美飽滿,先夠哂滿足感!大閘蟹蟹公蟹乸點樣揀?點先揀到肥美大閘蟹?一於留意小T揀蟹攻略!



大閘蟹公乸分別


要分辨大閘蟹公乸,最主要都係睇大閘蟹嘅蟹奄:




俗語有云「九月圓臍十月尖」,「臍」其實即係大閘蟹翻轉後嘅「蟹奄」。蟹乸嘅蟹奄較大及圓,蟹鉗較細;而蟹公嘅蟹奄係尖長偏細,蟹鉗則比較大。


另一個分辨大閘蟹公乸嘅方法,就係睇蟹膏!





蟹乸嘅蟹膏其實係蟹黃,有蟹乸嘅卵巢卵子,色澤呈橙紅色,所以又稱作紅膏,鮮甜豐膄。





而蟹公嘅蟹膏主要呈透明及白色狀,食落黏口,口感甘香細膩。白膏其實就係蟹公嘅精子。





幾時食大閘蟹蟹公?幾時食蟹乸?


而所謂嘅「九月圓臍十月尖」,除咗分大閘蟹公乸外,亦係一個口訣提示大家幾時應該食蟹乸或食蟹公!


9月食蟹乸、10月食蟹公,原因係中秋過後蟹乸就會先成熟,大閘蟹蟹乸嘅蟹黃最為飽滿,金黃可口。而到10月重陽節,蟹公亦變成熟,公乸都食得!至重陽節後一個月左右,大閘蟹公嘅白蟹膏會最多,亦係食蟹公嘅最好時機。


重陽節後嘅蟹乸蟹黃膏身會開始變硬,如果想食硬蟹膏,就可以挑選11月季尾食大閘蟹乸。





大閘蟹應該點樣點揀?


想揀飽滿多膏嘅大閘蟹,最重要首先要夠重!大閘蟹愈大隻,裡面嘅膏就愈多。其次就要睇大閘蟹身體完整,唔好有蟹鉗或者手腳脫落。最後可以用簡單方法驗下隻蟹,只要摸下大閘蟹嘅眼,如果有動靜即代表隻蟹新鮮生猛。


--------------------------------------------------------------------------------------------------------------------------------------------------

文章轉載:


圖中爆膏大閘蟹由 818GO提供


133 次查看0 則留言

Comments


bottom of page