呢個818GO網站、Facebook同Instagram，都有WhatsApp落單系統 - 「落閘」Link，㩒入去就可以直接跳入WhatsApp開始落單。 網上落單、付款一條龍，由818GO為你打開由三陽泰直送大閘蟹之路，經安全可靠嘅付款平台處理付款，接受Visa及Mastercard信用卡，亦都可以用Tap&Go及Payme消費券。最後再交由絕對能滿足你唔駛急，最緊要快嘅送貨要求嘅GOGOX負責物流嘅部份。成個過程我哋眾志成城，目的都係想你哋食得開心，疫情下都可以聚首一堂、一齊爆一爆膏。 如果想知道成個落單流程，可以入到「落閘」系統 頁面了解更多。

同親朋好友食飯食得多，能夠約齊人已經好唔簡單，而個個食蟹又有唔同喜好，呢個重任就交俾我哋喇！當你選擇左「團購訂單」，我哋嘅WhatsApp落單系統 - 「落閘」就會幫你建立一條訊息，你直接Forward俾你同枱食飯嘅飯腳，「落閘」系統就會幫咁多位落單，而身為搞手嘅大家，都會緊貼佢哋啲Order，時間一夠，你就可以落閘，寫埋送貨地址，俾埋錢，揀埋想要咩精美禮品，最後再花多少少耐性等食，就可以享受爆膏一刻！

因為我哋本住「爆膏」嘅宗旨，緊貼住每批貨嘅質素，然後精選最當造、最高汁嘅大閘蟹。所以你只需要諗食公定食乸，想食紅膏定白膏，就可以直接落單。

當你入到818GO啲WhatsApp落單系統 - 「落閘」，系統就會即刻話返你知當日啲價錢、最爆膏啲大閘蟹重量，明碼實價。當然喇，呢個818GO網站都會即時更新價錢，唔敢待慢各位蟹粉。

你今日落單，我哋最快聽日可以出貨（留意返～每日晏晝5點(17:00)截單），送貨到府。你亦可以提早十日八日、一個星期落單，難得約齊飯腳，就可以即刻同我哋落單，到時我哋再將最新鮮啲大閘蟹送到你面前。（不過都要留意，食蟹季節有限期，如果唔想錯過新鮮嘅爆膏大閘蟹，就拿拿林約Friend喇）

新開業期間，買滿1打（12隻爆膏大閘蟹），就包送貨嫁喇！如果想要淺嚐淺嚐，買少過1打都好，我哋都會安排GOGOX送貨，固定運費港幣$130。818GO每日下午5點(17:00)截單，最快可以安排第2日送貨，你可以揀選以下時段收貨：中午12點 - 下午4點 (12:00 - 16:00)/ 下午4點 - 晚上8點(16:00 - 20:00)。我哋保證每批爆膏大閘蟹都係即日由供應商三陽泰手上取貨，然後直送到府。

十分抱歉，因為食環署嘅牌照指明818GO唔可以存放大閘蟹喺處所內，亦因為新鮮嘅考量，所以我哋所有嘅爆膏大閘蟹，都係由供應商手上直送到大家府上。未能提供自取服務，令你覺得不便的話，我哋再三致歉。

買滿1打或以上（12隻爆膏大閘蟹），我哋就會用冰袋載住啲蟹，再送上門。買滿3打（36隻爆膏大閘蟹），我哋會直接出動發泡膠箱，到時你如果額外需要冰袋的話，就要麻煩同818GO嘅客戶服務人員講返聲。

因為我哋正常程序晏晝五點(17:00)就會截單，然後準備包裝同出貨嘅安排，所以如果真係想更改訂單內容（訂蟹數量、送貨日期及時間），需要喺原定送貨日期前1日 或 更新後嘅送貨日期前1日 晏晝5點(17:00)前搵818GO嘅客戶服務人員幫你進行調動。

如果真係咁可惜，無得同你分享我哋嘅爆膏大閘蟹的話，要麻煩你喺原定送貨日期前最少1日嘅晏晝5點(17:00)前搵818GO嘅客戶服務人員幫你取消訂單。

當你喺818GO消費完，「落閘」系統就會送你一條專屬嘅連結，將呢條連結Share出去俾你身邊嘅食蟹知音人，佢哋㩒入呢條Link，幫襯818GO，咁系統就會自動幫你儲分（每單交易嘅10%交易金額，就會成為你嘅積分，一蚊兌一蚊）。等你蟹癮起，再次黎「落閘」落單嘅時候，就可以扣返你嘅積分，分分鐘可以免費食多餐，開心爆多次膏。

想揀飽滿多膏嘅大閘蟹，最重要首先要夠重！大閘蟹愈大隻，裡面嘅膏就愈多。其次就要睇大閘蟹身體完整，唔好有蟹鉗或者手腳脫落。最後可以用簡單方法驗下隻蟹，只要摸下大閘蟹嘅眼，如果有動靜即代表隻蟹新鮮生猛。

要分辨大閘蟹公乸，最主要都係睇大閘蟹嘅蟹奄： 俗語有云「九月圓臍十月尖」，「臍」其實即係大閘蟹翻轉後嘅「蟹奄」。蟹乸嘅蟹奄較大及圓，蟹鉗較細；而蟹公嘅蟹奄係尖長偏細，蟹鉗則比較大。另一個分辨大閘蟹公乸嘅方法，就係睇蟹膏！ 想知多啲，可以直接去文睇真啲、了解多啲！

煮蟹前要先清潔蟹嘅表面。因為大閘蟹係一種長期喺水底生活嘅生物，蟹身有機會藏細菌或泥沙。為食用安全起見，大家食蟹前先用牙刷清走泥沙，同埋蟹嘅表面。最好戴上手套，冇咁易被蟹爪整傷。 如果大閘蟹本身有水草綑綁蟹身，唔需要特別解開，就咁清潔表面污物就可以！